СТУДЕНТТІК ВИЗА
Иммиграциялық органдар мақұлдаған визалық шақыруды алу үшін қажетті құжаттар:
Шетелдік талапкерлер үшін:

• Паспорттың негізгі бетінің жоғары сапалы, түрлі-түсті сканерленген көшірмесі
• Визалық шақыру нысаны (қоса беріледі)
• Оқуға қабылданғанын растайтын нысан (талапкерден)
• Назарбаев Университетінің шақыру хаты (Қабылдау бөлімінен)

Ескерту: Егер талапкер өз елінен тыс жерде тұрақты тұрып, виза алуға өтініш беруді жоспарласа, тиісті құжаттың көшірмесін ұсыну қажет. Мысалы, тұрғылықты тұруға рұқсат (мысалы, Green Card) немесе талапкерге немесе бірге еріп жүретін отбасы мүшесіне арналған жұмысқа рұқсат.

УАҚЫТША ТҰРУҒА РҰҚСАТ (УТР)
Төменде көрсетілген елдердің азаматтары визасыз режим аясында екіжақты келісімдер негізінде Қазақстан Республикасына кіре алады, бірақ оқу мақсатында уақытша тұруға рұқсат (УТР) алуы тиіс:

• Әзірбайжан
• Армения
• Беларусь
• Қырғызстан
• Ресей
• Тәжікстан
• Өзбекстан

Қабылдаушы тарап (Университет) рұқсат алуды ұйымдастырады. Уақытша тұруға рұқсат (УТР) бір жылға дейін беріледі.

Ілесіп жүретін отбасы мүшелері: 16 жасқа дейінгі балаларға УТР сертификаты қажет емес. Дегенмен, УТР еріп жүрген жұбайына және 16 жастан асқан балаларға қажет.

Қазақстаннан кету кезінде УТР белгіленген мерзімнің соңына дейін жарамды болып қалады. Елге қайта оралған кезде УТР қайта өтініш беруді қажет етпейді. Шетел азаматтарының Қазақстанда банк шотын ашу, стипендия/жалақы алу, Электрондық цифрлық қолтаңба (ЭЦҚ) алу, мемлекеттік қызметтерге қол жеткізу (EGov порталы), мемлекеттік баждарды, консулдық алымдарды және басқа төлемдерді төлеу үшін жеке сәйкестендіру нөмірі (ЖСН) болуы қажет.

Интернационалдандыру департаменті шетелдік студенттер мен академиялық қауымдастықты қолдауды жалғастырады. Біз сіздердің сұрақтарыңызға жауап беруге және мәселелеріңізді шешуге әрдайым дайынбыз.

КЕҢСЕНІҢ ЖҰМЫС УАҚЫТЫ:
Дүйсенбі – Жұма: 09.00 – 18.00
Мекен-жайы: Астана қаласы, Қабанбай батыр даңғылы, 53.
1.248D офисі, 1-блок, 2-қабат
Email: oiss@nu.edu.kz

Интернационалдандыру департаменті демалыс және Қазақстан Республикасының мемлекеттік мерекелері күндері жабық. Егер сізде виза және көші-қон процедураларына қатысты сұрақтарыңыз болса, оларды maulen.yergaziyev@nu.edu.kz электрондық поштасына жіберуіңізді өтінеміз. Жауап беру біраз уақыт алуы мүмкін, бірақ біз сіздің сұрағыңызға мүмкіндігінше тезірек жауап беруге тырысамыз.

ҚАЗАҚСТАН РЕСПУБЛИКАСЫНЫҢ МЕМЛЕКЕТТІК ЖӘНЕ ҰЛТТЫҚ МЕРЕКЕЛЕРІ:
1, 2 қаңтар — Ұлттық мереке Жаңа жыл
7 қаңтар — Рождество мерекесі
8 наурыз — Халықаралық әйелдер күні
21, 22, 23 наурыз — Наурыз мейрамы
1 мамыр — Қазақстан халқының бірлігі күні
7 мамыр — Отан қорғаушы күні
9 мамыр — Жеңіс күні
6 шілде — Астана күні
30 тамыз — Конституция күні
25 қазан — Республика күні
16-17 желтоқсан — Тәуелсіздік күні

ПАСПОРТ
Талапкердің паспорты Қазақстанда оқыған кезеңнің барлық уақыты бойы жарамды болуы керек. Егер сіздің паспортыңыздың мерзімі өтіп кетсе, жаңасын ұсынуыңызды өтінеміз. Визалық және миграциялық тіркеумен байланысты мәселелерді болдырмау үшін қажетті құжаттарды тезірек тапсырғаныңыз өзіңізге тиімді.

ҚАЗАҚСТАН РЕСПУБЛИКАСЫНДА ТҰРУҒА ЫҚТИЯРХАТЫ
Қазақстан Республикасында тұруға ықтиярхаты бар шетел азаматтары, өздерінің ҚР ықтиярхатының сканерленген көшірмелерін (жоғары сапада) біздің хабардар болуымыз үшін maulen.yergaziyev@nu.edu.kz электрондық поштасына жіберуі қажет.

ШЕТЕЛДІК АЗАМАТТЫҢ ҚАЗАҚСТАН РЕСПУБЛИКАСЫНА
КЕЛГЕНІ ТУРАЛЫ ХАБАРЛАМА
Қазақстан Республикасының қолданыстағы көші-қон ережелеріне сәйкес, қабылдаушы тарап (Университет) шетелдік азаматтың Қазақстанға келгені туралы көші-қон полициясына хабарлама беруге міндетті. Бұл хабарлама елге кірген сәттен бастап 3 күн ішінде берілуі керек. Кіру мақсатына қарамастан, виза арқылы немесе визасыз режимде болса да, келгені туралы хабарлама талап етіледі. Хабарламаны беру жауапкершілігі қабылдаушы тарапқа (Университетке) жүктеледі.
Шетелдік азаматтарға көші-қон полициясына өз бетімен барудың қажеті жоқ. Хабарламаны беру үшін, 1-блок, 1.248D кабинетке, 2-қабатқа келіп, Интернационалдандыру департаментінің шетелдік студенттерді қолдау бөлімінің аға менеджері Маулен Ерғазиевке жүгініңіз.
МИГРАЦИЯЛЫҚ ЕРЕЖЕЛЕРДІ САҚТАМАУ ӘКІМШІЛІК АЙЫППҰЛ САЛУҒА ЖӘНЕ ТУҒАН ЕЛГЕ ДЕПОРТАЦИЯЛАУҒА ӘКЕЛУІ МҮМКІН. ҚАЙТАЛАНҒАН БҰЗУШЫЛЫҚТАР ҚҰҚЫҚТЫҚ САЛДАРЛАРҒА ЖӘНЕ ҚАЗАҚСТАН РЕСПУБЛИКАСЫНА КІРУГЕ ТЫЙЫМ САЛУҒА ӘКЕП СОҒУЫ МҮМКІН.

БИОМЕТРИЯЛЫҚ ТІРКЕУ

Қазақстанда белгілі бір құжаттарды алу кезінде шетел азаматтарына саусақ іздерін тіркеуден өту міндеттелетінін ескеріңіз. Бұл талап 2024 жылдың 1 қаңтарынан бастап күшіне енді.

Қандай заң өзгерістер енгізді?
2016 жылғы 30 желтоқсандағы № 40-VI ҚР Заңы «Дактилоскопиялық және геномдық тіркеу туралы» (2023 жылғы 23 желтоқсандағы № 50-VIII ҚР Заңымен өзгертілген).

Өзгерістер неден тұрады?
Шетел азаматтары 16 жас және одан үлкен болса, келесі көші-қон құжаттарын алу кезінде саусақ іздерін тіркеу рәсімінен өтуі тиіс:

• Уақытша тұруға рұқсат (ТМД елдері үшін)
• Қазақстан визасы

Қазақстанның жергілікті Ішкі істер министрлігі (ІІМ) бөлімшелері саусақ іздерін тіркеуді жүзеге асырады. Шетелде визаны алуға өтініш білдірушілер бұл рәсімнен Қазақстанның жергілікті елшіліктерінде/консулдықтарында өтеді.

Биометриялық тіркеу үшін қажетті құжаттар:
• Түпнұсқа паспорт
• ЖСН сертификаты

• Маңызды! Саусақ іздерін тіркеуден бас тарту Қазақстаннан әкімшілік жолмен шығарып жіберуге әкелуі мүмкін.